Mengenal KODE KODE PADA PESTISIDA Sunda Version

KODE-KODE DINA PESTISIDA

Seueur produk pestisida (insektisida, herbisida, fungisida, Oge pestisida nu lianna) sareng ZPT (Zat Pengatur Tumbuh) nu aya di pasaran nganggo merek dagang anu rupi-rupi.

       Upami diperhatoskeun produk2 pestisida sareng  ZPT nu aya di toko2 pertanian nganggo rupi2 formulasi nu diserat nganggo kode2 tertentu mangrupi singkatan huruf kapital sapertos EC, SC,SL, WP, WG, GR, D, jst.

Unggal bahan aktif pestisida mibanda daya larut anu rupi2. Karakteristik daya larut sareng target pasar anu janten pertimbangan perusahaan produsen pestisida dina ngaracik ( memformulasikeun) hiji bahan aktif janten produk anu siap dipasarkeun. Unggal formulasi hiji produk pestisida, tinangtos mangaruhan kana cara aplikasi sareng tata cara teknik pencampuran pestisida.

       Contona aya produk anu nganggo merek dagang sami nu di produksi ku hiji perusahaan diical nganggo formulasi nu benten, nyaeta: Regent 50 SC, Regent 80 WG, sareng Regent 0,3 GR. Kumargi formulasina benten tangtos cara aplikana di lapangan oge benten.

       Formulasi pestisida, secara garis badag dibagi 2, nyaeta :

Formulasi cair sareng Formulasi padat.

       Supados tiasa paham kana rupi2 formulasi pestisida atanapi ZPT, kedah terang istilah kimia sapertos ieu:

Solution/Larutan.

       Larutan dihasilkeun upami hiji benda dilarutkeun dina cairan. Komponen pembentukna moal tiasa dipisahkeun secara mekanis.

       Saatosna larutan terbentuk jalaran diaduk, komponen pembentukna moal tiasa misah deui, teu peryogi diaduk deui sangkan tetep janten larutan. Contona ngalebetkeun gula kana cai, teras diaduk, msngka bakal janten hiji larutan. 

       Pestisida anu nganggo formulasi solustion/larutan biasana katingal “herang/transparan”.

Suspension/Suspensi.  

       Suspensi mangrupi campuran anu tiasa dipisahkeun, ngandung partikel padat anu nyebar dina cairan.

Partikel padat eta moal tiasa larut, kumargi kitu peryogi diaduk anu teras-terasan supados partikel nyebar rata dina cairan (henteu ngendap di dasar). 

Pestisida anu nganggo formulasi Suspension/suspensi biasana katingal “kiruh/burem”, sareng sok aya tulisan “Kocok dahulu sebelum digunakan”.

Emulsion/Emulsi

       Emulsi ngajadi upami cairan anu terbentuk droplet/butiran menyebar/terdispersi dina larutan nu sanesna. Henteu peryogi diaduk lami sangkan emulsi henteu misah. Pestisida anu bentukna emulsi, bahan aktifna dilarutkeun heula ku pelarut anu dasarna minyak teras ditambih pengemulsi, sahingga nalika dicampur ku cai kanggo disemprotkeun ngabentuk emulsi.

       Pestisida anu nganggo formulasi Emulsion/emulsi biasana katingal siga nenen ehh punten siga cai susu.

1. Formulasi Pestisida Bentuk Cair.

1.1. EC (Emulsifiable Concentrate)

EC (Emulsifiable Consentrate) nyaeta formulasi pestisida/ZPT bentukna pekatan nu tiasa diemulsikeun. Kandungan bahan aktif dina pestisida/ZPT jenis ieu mung larut dina minyak, supados gampil digunakeun pestisida ditambihan bahan pengemulsi (pencampur minyak) ku produsen, ku kituna bahan aktif anu mung tiasa larut dina minyak, tiasa larut oge  dina cai. Janten larutanana sapertos cai susu nalika dicampur ku cai, oge baksl stabil, janten teu kedah diaduk teras-terasan salami aplikasi.

       Conto produk : CRIPTAN 250EC, CRONUS 18EC, CROSS 100EC, CROWEN 113EC, jst.

1.2. SC (Suspension Consentrate) sareng WSC (Water Soluble Consentrate).

       Formulasi SC sareng WSC mirip sareng EC, tapi ngagunakeun solvent (pelarut) berbasis cai,  janten upami dicampur sareng cai henteu ngabentuk emulsi, tapi bakal ngabentuk suspensi. Formulasi ieu aplikasina ku cara disemprotkeun nganggo alat sprayer.

       Conto produk SC : CULTAR 250SC, ENTIBLU 450/100SC,      

                                          ZAMPRO 525SC, jst.

       Conto produk WSC : MANUVER 400WSC, 

                                             AGROGIBB 40WSC.

1.3. SL (Soluble Liquid) sareng L (Liquid).

       Formulasi anu bentukna pekatan (kentel) anu tiasa larut dina cai, upami  dicampur ku cai bakal janten larutan. Cara aplikasina disemprotkeun.

       Conto produk : SPONTAN 400SL, CRASH 160SL, SISTEMIC 240SL, SOFFEL 130SL, jst.

       Henteu sapertos formulasi EC nu upami dicampurkeun kana cai bakal janten kiruh (sapertos cai susu), formulasi SL mah upami dikana caikeun bakal larut (nyampur) sareng katinal herang (transparan) teuaya perobihan nanaon..

       Kumargi kitu, kadang-kadang para patani sok aya perasaan kirang mantap upami larutan teuaya perobihan sahingga sok ditambihan deui, janten over dosis.

1.4. AS (Aquaeous Solution) sareng AC (Aquaeous Concentrate)

       AS sareng AC mangrupi larutan pekat (kentel) anu tiasa dilarutkeun dina cai. Pestisida anu diformulasikeun dina bentuk AS sareng AC umumna mangrupi pestisida anu bahan aktifna garam-garaman anu daya larutna tinggi dina cai.

Cara aplikasina disemprotkeun.

Conto produk : AGRIFOS 400AS.

1.5. F (Flowable), FW (Flowable in Water) sareng FS (Flowable Suspension).

       Formulasi F, FW, atanapi FS mangrupi konsentrat cair anu pekat (kentel) pisan, hampir sapertos pasta, tapi masih tiasa keneh dibahekeun. Upami dicampur sareng cai bakal janten suspensi (partikel padat anu ngalayang dina media cair).

       Kumargi bentukna sapertos pasta, peryogi diaduk anu teras-tetasan supados henteu ngendap (namper) di dasar. Upami disimpen lami bakal janten padat.

       Conto produk : PRONTO 600FS.

2. Formulasi Pestisida Bentuk Padat.

2.1. D (Dust)

       Nyaeta formulasi pestisida anu bentukna debu/tepung anu siap dianggo, dina aplikasina teu peryogi dicampur ku cai. Ukuran partikelna alit pisan 10-30 mikron, konsentrasi bahan aktifna oge rendah kinten-kinten 2%.

Cara aplikasina ditiupkeun/dihembus (dusting) nganggo alat khusus.

       Conto produk : PARIGEN 0,5D.

2.2. GR (Granula)

       Nyaeta formulasi pestisida anu bentukna butiran padat, ukuranana hampir seragam. GR umumna mangrupi produk siap pakai, aplikasina ku cara ditabur/disebar.

Kandungan bahan aktifna oge rendah, kinten-kinten 3%.

       Conto produk : FURADAN 3GR, SOFATAN 3GR, jst.

2.3. B (Bait /Umpan), atanspi RB (Ready Bait)/RMB (Ready Mix Bait)

       Mangrupi formulasi anu seueur digunakeun dina formulasi Rodentisida kanggo ngendalikeun binatang (beurit, bagong, bajing).

       Formulasi RB/RMB siap langsung dianggo (tos dicampur sareng pakan), sedengkeun formulasi B kedah dicampur heula sateuacan diaplikasikeun, misalna sareng beas, tahu, atanapi hulu pindang.

       Conto produk : COPTON 

2.4. BB (Block Bait).

       Nyaeta formulasianu bentukna kotak (blok), tos mangrupi umpan siap langsung dianggo.

       Conto produk : KLERAT0,005BB, KRESNAKUM 0,005BB, CONTAC 0,005BB, jst.

2.5. WG (Water Granule), WDG (Water Dispersible Granule) sareng SG (Soluble Granule).

       Formulasi WG sareng WDG bentukna butiran lembut/halus (micro granule) sapertos formulasi G, tapi kandungan bahan aktifna langkung seueur sareng dina ngagunakeunana kedah diencerkeun heula nganggo cai, aplikasina ku cara disemprotkeun, sifatna kirang stabil (gampil ngendap/namper di dasar), janten kedah sering diaduk/dikocok waktos dianggo.

       Conto produk : GARDENER 68WG, WIN 20WG, ZEERON        20WG, SOYATIP 67WG, ALLY 20WDG.

       Sedengkeun formulasiSG bentenna upami dicampur cai bakal ngabentuk larutan (nyampur) sempurna.

       Conto produk : PROCLAIM 5SG.

2.6. WP (Werrable Powder)

       Nyaeta formulasi anu bentukna tepung anu ukuranana alit pisan (satuan mikron), sareng kandungan bahan aktifna relatif tinggi dugi ka 80%.

       Diaplikasikeunana disemprotkeun, upami dicampur sareng cai bakal ngabentuk suspensi, sareng peryogi diaduk rada lami sangkan nyampur sempurna sareng cai.

       Conto produk : CONFIDOR 5WP, AVIDOR 25WP, APPLAUD 10WP, ANTRACOL 70WP, jst.

2.7. SP (Soluble Powder).

       Nyaeta formulasi anu bentukna tepung, upami dicampur sareng cai bakal janten larutan anu homogen. Diaplikasikeunana ku cara disemprotkeun.

       Conto produk : ZIDAN 50SP, PROTHENE 75SP, jst.

2.8. SD (Seed Dressing).

       Mangrupi formulasi khusus anu bentukna tepung anu biasa digunakeun kanggo perawatan benih.

       Conto produk : SAROMYL 35SD.

3. Formulasi Khusus.

3.1. MC.

       Nyaeta formulasi padatan lingkar, conyona ZEBRA 0,03 MC hartosna mibanda bahan aktif esbiotrin 0,30%, aya oge COWBRAND 0,30MC, jst.

3.2. PA (Pasta).

       Nyaeta formulasi anu bentukna pasta.

Conto produkna : CP 150PA, PROTHEPHON 10PA, jst.

3.3. LT 

       Nyaeta formulasi anu bentukna losion.

Conto produkna : SLEEK Anti Mosquito 12,5LT, SOFFEL 13LT.

3.4. CS (Capsulated Suspension).

       Nyaeta formulasi anu bentukna mikro kapsul dina pekatan, anu tiasa disuspensikeun.

Conto produkna : DEMAND 100CS.

3.5. OD.

        Nyaeta formulasi anu bentukna larutan dina minyak.

Conto produkna :CORNELIA 265/35OD.

3.6. DF

       Nyaeta formulasi anu bentukna butiran anu tiasa didispersikeun dina cai.

Conto produkna : SPADA 60DF.

3.7. TB (Tablet).

       Nyaeta formulasi anu bentukna tablet.

Conto produkna : KINGPHOS 56TB, HELLIPHOS 56TB, HARVESTPHOS 56TB, GIBRO 20TB, GIBBERSIPP 20TB, GAPLUS 20TB, jst.

3.8. ULV (Ultra Low Volume)

       Nyaeta formulasi anu bentukna cairan, kandungan bahan aktifna tinggi pisan, dirancang kanggo penyemprotan ngagunakeun alat khusus, teukedah dilarutkeun deui nganggo cai.

3.9. LV

       Nyaeta pertisida rumah tangga racun pernafasan, bentukna larutan nu tiada diuapkeun.

Conto produkna : BAYGON 13LV, SRIMUK 7LV, jst

by Uhan Suhanta_NAKAL_2019